Abuztuaren 26an egingo da dispertsioaren aurkako Hernaniko Futbol 7 Txapelketa, Jokatuz, elkartu eta irabazi. Etxera! lelopean. Izenemateak irekita daude, bai txapelketarako eta baita ondorengo bazkarirako ere, Garinen.
Aldarrikapena eta festa, egun osoan
Txapelketa goizeko 09:00etan hasiko da, baina 08:30etan jarri dute zita Zubipen, taldeak antolatzeko. Hain zuzen, lan hori errazteko ireki dute dagoeneko izenematea, 10 euroan. Batzuk apuntatu dira.
Txapelketa bukatzean, berriz, bazkaria egingo da Tilosetan, 14:30etan. Honetarako izenematea ere irekita dago, 10 euroan baita ere. Bietan izena emanez gero, berriz, 15 euro izango da prezioa.
Arratsaldean, festa giroa nagusituko da, kantaldia eta elektrotxarangarekin.