Udalak antolatuta, eta Kaxkardi K.E.E.ko begiraleen ardurapean, hainbat jolasekin gozatzeko aukera izango da abuztuko astelehen eta asteazken goizetan, igerileku irekietan.
Astelehenean hasi ziren, eta gaur ere, eguraldi txepel xamarrari beldurrik ez dionak, aukerarik ez du faltako, ondo pasatzeko.
Sei gune lehorrean, eta bat, uretan
Goizeko 11:00etan hasi, eta 14:00ak arte, lehorrean jarri diren sei gunetan hainbat jolas izango dira aukeran: ohe elastikoak, slack line, saskibaloia, volley eta badminton, ping-pong edo jolas anitzak. Zazpigarren jolas gunea, berriz, uretan izango da, 13:00etatik 14:00etara.