Garai mugitua izaten da udara txirrindularientzat, baita astigartar gazteentzat ere. Atzo bukatu zuen Urko Semperenak juniorren Iruñerriko Buelta, ederki jokatuta, gainera! Aurreneko etapan, asteartekoan, mendiko lidergotzaren saria jaso zuen; bigarrenean, asteazkenekoan, etapako lider izan zen; eta hirugarrenean, ostegunekoan egindakoarekin zazpigarren jarri zen, lidergotik 39 segundura.
Asteburuan, Zumaian
Baina ez da egunotan jokatutako lasterketa bakarra; Zumaian izan zen igandean, eta bere taldearekin, Construcciones Victor Alvarorekin, taldeen saria irabazi zuen Semperenak.
Telmo Semperena, Katalunian
Telmo Semperena kadetea ere, hara eta hona ibili da. Jaime Romeroren bajaren ondorioz, astigartar bakarra izan zen Ka–taluniako Pistako Txapelketan Gipuzkoako Selekzioarekin. Puntuazioko proba irabazi, eta laugarren izan zen Keiryn eta Scrachten.
Multivan izan zen astelehenean, denboraldiko azkeneko proban. Aurrenekoa izan zen aurreneko mendian.