Beste urte batez, eta 69 dira dagoeneko, antolatu dute Donostiako Antiguako Pilota Txapelketa. Bertan, seniorren mailan, ari da jokatzen Iker Salaberria goizuetarra, Logroñoko Sanchezekin batera.
Uztailaren 11n hasi zen txapelketa hasierako Ligaxkarekin, eta dagoeneko finalerdietan dira. Horietan, aurrenekoa jokatuko dute gaur Salaberria eta Sanchezek, Zubiria eta Iruritaren kontra. Arratsaldeko 19:00etan hasiko dira partiduak, Donostiako Antiguako frontoian.
Hurrengo zita, asteartean
Gaurkoa ez da, ordea, finalerdietako partidu bakarra izanen. Bi norgehiagokako fasea da, eta beraz, hurrengo zita, asteartean izanen dute, hilaren 22an; Prieto eta Madariaga izanen dituzte aurrez aurre. Finalerdiko txapeldun eta azpitxapeldunaren artean borrokatuko da txapela, hilaren 27an, igandez.