Urtero bezala, Santa Barbara bilakatu zen atzo hernaniar askoren gotorleku. Eguraldia lagun, bertan bildu zen herritar mordoa, mendi bueltaxka eginda, San Inazioren omenezko ekintzekin gozatzera. Trikitixa eta pandero doinuak, bertsolariak, herri kirolak... ez zen ezer ere ez faltatu! Ezta sagardo tragoxkak eta patata tortilla edo txorizo pintxoak ere. Heldu zein gaztetxoenek gozatzeko moduko festa, dudarik gabe.