Musika, jolasak eta hainbat ikuskizun, Ave Marian

Udaleko hainbat sailek el­kar­lanean osatu dute Uda­par­kean 2017 egitasmoa. Lehengo urtean egin zen au­rrenekoz, eta izandako ha­rrera ona ikusita, bihartik larunbatera hainbat arte diziplina uztartzen dituen programazioa eskainiko da Ave Maria parkean, berriro.

Ibilaldia, akrobazia ikuskizuna eta musika, hasteko
Bihar, arratsaldeko 18:30e­tan, hirugarren adi­ne­koei zuzendutako Ttapa-Ttapa ibilaldia egingo da, Atse­gin­degitik Ave Mariara.
Ondoren, 19:30etan, Rojo Telon taldeak Haiek naiz dantza eta akrobazia ikus­ki­zuna emango du, eta 22:00e­tan, Afu taldeak reggae, ska, flamenkoa edota musika afrikarra na­hasten dituen kontzertua emango du.

Zinea, jolasak, eta ikuskizun gehiago
Hurrengo egunetan ere, bestelako hainbat ekintza izango dira: haurrentzako Txantxariak edo Oker pe­li­ku­la, Compañia Uparte edo Dan­tzaz Konpainiaren ikus­kizunak edota Oreka TXen kontzertua.

Bertan jateko aukera
Programazioarekin goza­tze­az gain, parkean afal­tze­ko aukera ere izango da, etxe­tik eramanda­koa­re­kin edo Lakari kooperatibak ja­rritako postuko jakiekin. Bertako eta sasoiko jakiak salduko dituzte bertan.