Bihar arte, San Inazio eguneko bazkarian izena emateko

Egun osoko festa izango da astelehenean, San Inazio egunean, Santa Barbarako tontorrean, urtero bezala.
Baina besteetan ez be­za­la, bazkari herrikoia an­to­la­tu da aurten, Santa Barbara jatetxean bertan. Eguerdiko 14:30etan jarri dute hi­tzor­dua, eta paella, entrekota, tarta, kafea eta kopa izango dira bazkaritarako, 25 eu­roan. Bihar arteko epea dago izena emateko, Aralar ta­bernan edota Santa Barbara jatetxean bertan.
Bazkariaz gain, ordea, bes­te hainbat ekitaldia izan­go dira, egun osoan zehar.

Musika, jolasak eta herri kirolak
Festa giroa jartzen hasiko direnak trikitilariak izango dira, goizeko 10:00etan; Gari eta Iñaki ariko dira ho­rre­tan. Ondoren, 11:30etan lore-es­kaintza egingo da, eta Eli Pagola eta Beñat Mujika ber­tso­tan ariko dira. Txis­tu­lariak ere gertu ibiliko dira.
Eguerdiko 12:00etan, be­rriz, meza izango da Santa Bar­barako ermitan, eta 13:00etan, herri-kirolak; Juan Es­naola, Iñigo Ormazabal eta Maika Ariztegi batetik, eta Aritz Esnaola, Mikel Loidi eta Irene Izkue bestetik, aizkoran, txingekin, lo­ko­txetan eta ingudearekin.
Bazkalondorenean, 16:30e­tan, haur-jolasak eta txo­ko­la­ta­da izango dira, eta 17:30e­tan, erromeria. Herrira jai­tsi­ta bukatuko da festa.