Ikasturte berrirako ikastaroak prest dauzkate, kiroldegian. Erabiltzaile berriek abuztuaren 1etik 10era arteko epea izango dute izena emateko.
Izenemate orriak kiroldegiko bulegoan entregatu behar dira. Aurten, ez da kontuan hartuko izenemate ordena, inskripzio kopurua dagoen plaza kopurua baino haundiagoa bada. Horren ordez, zozketa egingo da abuztuaren 11n, eguerdiko 12:00etan.
23 ikastaro, aukeran
Guztira, 23 ikastaro izango dira aukeran, hainbat egun eta ordutegitan.
Lehorrean egitekoak, aerobik, pilates, indoor walking, ziklo indoor, mantentzeko gimnasia, konbinatuak, karate, zunba, TRX eta training. Uretakoak, berriz, haurtxoentzakoa, haurdunentzakoa, helduen hastapenekoa, mantentzeko igeriketa eta aquagym, eta adinaren arabera banatuta, 2001etik 2014ra bitartean jaiotakoentzako beste zortzi ikastaro; 2014, 2013, 2012, 2011, 2010-2009, 2008-2007-2006, 2005-2004, 2003-2002-2001ean jaiotakoentzat.
Abuztuan, irekita
Ikastaroak, urritik aurrera jarriko dira martxan. Baina kiroldegia erabili ahal izango da abuztuan ere, astelehenetik ostiralera 07:30-14:00 eta 16:30-20:30, eta larunbatetan, 09:00-13:00.