Patinetan ibiltzen ikasi edo dagoeneko daukan teknika hobetu nahi duenak, oraindik badauka aukera udara honetan zertxobait praktikatzeko. Hernaniko Irristaketa Taldeak hiru ikastaro antolatu ditu, eta hain zuzen, hirugarrena, azkena, datorren astean hasiko da, eta izena eman daiteke oraindik.
Astean hirutan, abuztuaren 11ra arte
Azken ikastaroa astelehen, asteazken eta ostiraletan emango da, uztailaren 31tik abuztuaren 11ra bitartean, 17:00etatik 18:30etara Elizatxoko aterpean. Izena eman daiteke, 70 euroan, irristaketahernani@gmail.com helbidean edo 669 837 409 telefonoan.