Festak pasata ere, festan jarraitzeko asmoa izaten dute Ereñotzun, eta aurtengo uztailerako ostegun musikatuak antolatzen hasiak dira, Irrintzi tabernan, Olak Auzo Elkartearen laguntzarekin.
Aurreneko kontzertua uztailaren 6rako antolatu dute, eta talde gasteiztar bat etorriko dela zehaztu dute: Antton Aranburu. «Beraiek deitu digute, gainera, jotzera etorri nahi dutela esanez», azaldu dute Irrintzi tabernako arduradunek.
Hortik aurrerakoak ere lotuta dauzkatela jakinarazi dute: Andoni Tolosa Morau 13an; Patxukustic taldea (Sergio Ordoñez eta Jon Mari Beasain) 20an; eta azkenekoa, Jon Gurrutxagak eta Keu Agirretxeak osatutako bikotearena, 27an. Kontzertu guztiak, iluntzeko 20:30ak aldera hasiko dira.