Santa Anarekin agur, aurtengo jaiei!

Lau egun atsedenik hartu gabe, eta festarako gogoz jarraitzen du Astigarragak, oraindik!
Beraz, giro ederrean agur­tuko dituzte Santio jaiak gaur. Santa Ana eguna dute, fes­te­tako azkenekoa. Egun bere­zia da astigartarrentzat, eta urte­ro­ko ekintzez betetakoa izan­go da: joaldunak, baserriko tresna egileen erakusketa, idi demak, bertsolariak, herri kirolak...
Ikuskizun bereziak ere izan­go dira, zezensuzkoak azke­ne­ko txinpartak askatu aurretik.

GAURKO EGITARAUA
09:30, Iturengo joaldunak eta Astigarragako Estangar trikitilariak, kalejiran.
11:30, Baserriko tresna egileen erakusketa (zurezko eta burdinezko tresnak, kaikuak, erroskilak...) eta sagardo dastaketa, Foru Plazan.
11:30, Idi demak, Foru Plazan. 1.500 kiloko harriarekin, 20 minutuko saioa egingo dute lau idi parek: Pagadizabal, Etxetxo, J.M. Elola eta Matxainen idiek.
12:00, Agin Laburu eta Aitor Mendiluze bertsolariak, Foru Plazan. Goldeak antolatuta.
14:30, Bazkariak: Santa Anako bazkaria Rezola sagardoteagian, Goldeak antolatuta; eta Elkar­ta­sun bazkaria txosnan, Andoni Ollokiegi musikariak girotua.
18:00, Herri kirol jaialdia, Foru Plazan: eskualdeko herrien arteko desafioa (Errenteria, Hernani, Oiartzun eta Astigarraga), Alazne Etxaburua eta Irati Astondoa 
aizkolariak, eta Idoia Etxeberria harrijasotzailearen erakustaldia.
18:30, Go!azen, Joseba Baran­diaran plazan. Telesail ospetsuko aktoreen laguntzarekin dantzaldia eta karaoke irekia, denboraldiko abestiekin.
19:00, Jimmy Muelles kantautorea, Gazte Asanbladaren txosnan.
19:00, Trikitilariak, Foru Plazan.
20:00, Berriketan ikuskizuna, flamenkoa eta txalaparta uztartuz, Askoa Etxebarrieta La Pulga flamenko dantzariarekin. Joseba Barandiaran Plazan.
22:00-00:00, Rockalean,  Joseba Barandiaran plazan.
22:30, Zezensuzkoa, Joseba Barandiaran plazan.
 

Santio jaien balorazio bilera, bihar bertan

Udaletxean izango da festen balorazio bilera, 13:00etan hasita.

Gaur bukatuko dira Santio jaiak Astigarragan; eta gehi­a­go itxaron gabe, bihar bertan egingo dute aurtengo festen balorazioa egiteko bilera.
Udaletxean jarri du zita, Astigarragako Udaleko Kul­tu­ra eta Euskara sailak: uda­letxeko batzar aretoan, eguer­­diko 13:00etan hasita.