Euskadiko Traineru Txapelketa jokatu zen atzo Lekeition, eta emakumezkoen estropadan hartu zuen parte Maialen ontziak.
Ondo aritu ziren neskak, eta bosgarren egin zuten. Txapelduna Hibaika izan zen, 11:50eko denborarekin. Atzetik sartu ziren San Juan (+1), Orio (+14), Arraun Lagunak (+45), Hernani (+1:01), Deustu (+1:16), Donostiarra (+1:21) eta Lea-Artibai (+2:53).
Gizonetan Urdaibaik irabazi zuen (20:48:80), eta atzetik sartu ziren Hondarribia (+1), Orio (+21), Kaiku (+23), Zierbena (+27), Donostiarra (+42), Ondarroa (+50) eta San Juan (+1:03).
Larunbatean berriro ere Lekeitiora joango dira neskak, baina oraingoan, Gipuzkoako Ligako zortzigarren jardunaldia jokatzera.
Arrauna probatu nahi duenak gaurtik ostiralera dauka aukera, 10:00etan Ibarluze poligonoan.
Arrauna probatzeko aukera, ostiralera arte
Datorren denboraldiari begira, berriz, kluba arraunlari berriak erakartzeko lanean ari da. Horrela, gaurtik ostiralera, arrauna probazeko aukera izango da, 10:00etan lokalean.