Romero eta Urko Semperena 5garren, Ordizian eta Iturmendin

Asteburu polita izan zen au­rre­koa, txirrindulari astigar­ta­rrentzat. Zita garrantzitsuak zeuzkaten, kadeteek zein jube­nilek, eta protagonista izan ziren: bosgarren sailkatu zen Jaime Romero, Ordiziako Txa­pel Gorri proban; eta bos­ga­rren postua lortu zuen Urko Semperenak, podiumetik oso gertu, Euskadiko Erlojupeko Txapelketan, aurreko egunean Oñatin tarteko helmugen sa­ria irabazi ondoren.
Gipuzkoako denboraldiko azkeneko proba zuten Ordizia­koa, kadeteek; eta hasierako ihesaldian sartu ziren bi asti­gartarrak, Jaime Romero eta Telmo Semperena. Tropelak ez zien tarterik utzi, eta harrapa­tuko zituztela ikustean, zabal­du egin zen Semperena, tal­de­txoa bitan zatituz, eta Rome­rori eta beste bi txirrindulariri ihes egiten utziz. Beste hiruk egin zuten ihes tropeletik, eta garaipena lehiatuko zuen sei­kotea osatu zen buruan. Abal­tzisketako igoeran, ezin izan zion onenen erritmoari eutsi Romerok, eta bosgarren iritsi zen helmugara.

Ezusteko saria Oñatin, Urko Semperenak
Jubenilek, berriz, Mendi Krite­riuma jokatu zuten aste­bu­ru­an, bi etapakoa; baina aurre­nekoa bakarrik lehiatu zuen Urko Semperenak, Euskadiko Erlojupeko Txapelketa zeuka­lako hurrengo egunean. Jokin Sara­sola taldekideari lagundu eta erretiratzeko asmoa zeu­kan gainera, baina lasterketa zijoan bezala, tarteko helmu­gak irabazteko aukera ikusi zuen, eta baita lortu ere. Baina saria jasotzeko, helmugara iritsi beharra zeukan; be­raz, igoeraren aurretik Sarasola ondo kokatu, eta erritmo lasa­iean igo zen Urbiako hel­mu­gara. Bigarren izango zen tal­dekidea, etapan bezala, Krite­riumeko sailkapen nagusian.
Hurrengo egunean, Itur­men­din zeukan zita Sem­pe­re­nak, erlojuaren kontrako pro­barekin. Saio bikaina egin zuen, 19:01 denboran osatuz 14,5 kilo­metroak, eta bosgarren sailkatu zen, gipuzkoar onena izanda, podiuma oso gertu zuela: 6 segundu besterik ez.
Igande honetan, Zumaian ariko dira jubenilak, Joxe Mari Korta­ren Oroimenezkoan. Eta Bar­tzelonara joango dira Jaime Romero eta Telmo Semperena, pistako Kataluniako Txapel­ke­ta lehiatzera, ostiral eta larun­ba­tean. Igandean bueltatu, eta errepideko proba izango dute astelehenean, Arangurenen, denboraldia bukatzeko.