ikasturte berriarekin batera, Astigar Dantza Eskolak ere matrikula egiteko egunak jarri ditu: gaur eta bihar egin ahal izango da, arratsaldeko 19:00etan, Astigar Elkartean (Santio Zeharra, 7).
7 urtetik aurreragoko haurrek nahiz helduek aukera paregabea dute, beraz, 2017-2018ko ikasturte honetan ere dantza taldearekin bat egiteko.
Prezioei dagokienez, ikasle baten matrikulak 90 euro balio ditu, eta hiru senide edo gehiago matrikulatuz gero, 250 euro.
Bestalde, Astigar Dantza Eskolak mesedez eskatu du itzultzeko falta diren jantziak egun horietan ekartzeko.