Emakumeen gomazko paleta partidua jokatuko dute Irazustabarrena eta Mendizabal bikote hernaniarrak, etzi, Gasteizen Ogueta pilotalekuan, 17:30etatik aurrera. Martín eta Sáez izango dituzte aurkari eta egia esan toki guztietatik ari dira deitzen bikotea. Gasteizkoa jaialdi berezia da, ondoren profesional mailako eskuzko partidua jokatuko baita eta bertan Olaizola II goziuetarrak eta Imazek, Artola eta Larunberen aurka jokatuko dute.