Santio eguna asteartean ospatuko bada ere, gaurtik festa giroan murgilduko dira aranoarrak. Mus Txapelketaren 35garren edizioa jokatuko da, iluntzeko 22:00etan hasita, San Roke Elkarteak antolatuta. Festak bihar izango du segida, arkume jatea eta jubilatuen egunarekin. Festei hasiera, 11:00etan emanen zaio, Udaletxeko balkoitik itxaferoa botatzen dutenean. Aurretik meza izanen da, eta ondoren, hamaiketakoa. 14:00etan hasiko dute arkume jate herrikoia.
Igandean, berriz, feria, tortilla lehiaketa eta pilotari txikien partiduak jokatuko dira. Txokolatada ere egonen da. Beraz, ongi pasatzeko aukera zabala izanen da asteburuan, Aranon, Santio jaien hasierarekin batera.