Uztaileko Plenoa, gaur

OPOR egunetan murgildurik daude asko eta asko, festa garaiak ere gainean daude, baina horrek ez du Astiga­rra­ga­ko Udaleko mugimendua eten. Horrela, gaur egin­go dute uztaileko ohiko Ple­no­a, aurre­ikusitakoa baino as­te­bete lehe­nago, izan ere datorren astean herria fes­t­etako azken egunean egongo baita. Eguerdiko 13:30etan bil­duko dira udal ordezkariak, pleno aretoan.

Denera, 13 puntu
EAJ, EH Bildu eta PSE-EEko hautetsiek hamairu puntu izan­go dituzte mahai gainean. Tartean soldata igoeraren proposamena.
Bestalde, 2016ko kontu oro­korra, kreditu transfe­ren­tzia, kreditu aldaketa aztertu eta bozkatuko dira. Tokiko gara­pen, sustapen ekonomikoa eta enple­gu alo­rre­ko udal lanki­de­tza hitzar­mena: batzorde ku­deatzaile­aren ordezkoak izen­da­tzea da aurkeztuko den beste gaia.
Gai zerrendan ere badira: Lankidetza-hitzarmena eta gozamen kontratua Astigarra­gako parrokiarekin. Gipuzko­ako Foru Aldundiarekin: higi­ezinen eskualdaketa. Alokairu sozialeko erregimenean Uru­mea kalea 6 eta 10ko 6 etxe­bizitza zozketatzeko oina­rriak. Santiagomendiko natur eskola aterpearen zerbitzuaren kon­tra­tuaren luzapena.
Azkenik, informazio, gal­derak eta eskarien aurretik EH Bildu taldearen mozioa etorri­ko da. Bertan Altsasuko gerta­eren harira fiskaltzak egindako zigor eskaera landuko da. yy