Berriro finkatu da Maialen, denboraldi honetan hainbestetan lortu duen laugarren postu horretan. Atzokoan ere, Orioko estropadan, San Juan, Hibaika eta Orio bakarrik izan zituen aurretik, eta 4 segunduko tartea atera zion Arraun Lagunaki, eta 10 segundukoa Portugaleteri.
Emaitza horrekin, laugarren jarraitzen du Gipuzkoako Ligako sailkapen nagusian ere, sei estropadaren ondoren. Zazpigarrena, gaur izango dute, Cantabria aldean, Castro Urdialesen. Eguerdiko 12:00etan hasiko da estropada.