Julen Madina zena omendu zuten asteazkenean, ekitaldi berezi batekin, Iruñako San Lorenzo elizan, San Ferminen kaperan bertan. Laudoriozko hitzak eskaini zizkioten hernaniarrari, Iruñako bere lagunek: «han goran hartu zintuztenean, hemendik entzun ziren oihuak, esanez irekiozue atea, ate haundia, entzierroetako korrikalari bikainena iritsi da eta!», adierazi zuen Miguel Angel Eguiluzek; eta gaineratu zuen: «ez zara inoiz faltako, beti egongo baitzara gurekin. Ohore bat izan da zurekin korrika egitea».
Jota bat, Madinari eskainia
Julen Madinaren senideak ere bertan ziren, jendez betetako kaperan, eta haren argazki haundi bat eman zieten. Gero, jota bat ere kantatu zioten korrikalari ohiari; berari propio eskainitako jota bat, hain zuzen ere.