Barrenetxeak ezin, finalean

Txapelik gabe bueltatu zen San Ferminetatik, asteartean, Endika Barrenetxea. Gehiago izan ziren Uterga eta Etxebe­rria III doneztebarrak, eta 35-40 nagusitu ziren, hernaniarraren eta Endika Urrutiaren kontra.
Partidua oso berdindua izan zen, 30-30 jarri ziren arte. Hortik aurrera, Etxeberria IIIren sakeek eta Endikak errestoan egin zituen akatsek, erabaki zuten finala.
Uterga aukeratu zuten fina­leko pelotari onena, San Fer­min torneo bikaina jokatu ondoren. 22 tanto egin zituen asteartean eta Endikak ezin izan zion eutsi doneztebarraren erritmoari. Barrenetxeak ere ez zuen lortu bere maila erakutsi eta Etxeberriaren kon­trako lehian na­gusitzea. Promesen torneoan, berriz, Etxarrik eta Garcesek irabazi zuten (40-33), Goikoetxea V eta Martirenaren kontra.