Beterri Buruntza eskualdeko udalek kudeatutako enplegu prestakuntzarako programaren barruan, ekitaldia burutu zuten CEBANC eraikinean. Bertan egin zuten, programaren balantzea eta programan parte hartu duten ikasleen diploma banaketa.
2016ko azarotik 2017ko otsailera bitartean, CEBANCen Oinarrizko lanak ostatuetako pisuetan izeneko ikastaroa burutu zen. Formazio ekintza honek kontratazio konpromisoa zuen, eta Beterri-Buruntza eskualdeko Andoain, Astigarraga, Hernani, Lasarte-Oria, Urnieta edo Usurbil herrietan erroldaturiko eta, bereziki, kalifikazio baxukoei edo iraupen luzeko langabetuei zuzenduta zegoen.
Ostatuetako pisuetan, oinarrizko lanak egiteko
Ikastaroaren ondoren, jardunaldi osoko hamar kontratu gauzatu dira, ostalaritzaren sektoreko hainbat enpresatan. Hori dela eta, Lanbide Euskal Enplegu Zerbitzuko, Beterri-Buruntzako Udaletako eta CEBANCeko ordezkariek proiektua azaldu ondoren, diplomak banatu zizkieten partehartzaileei, eta eskerrak eman denei.
Proiektuan, 15 ikaslek hartu dute parte. Ostatuetan solairuetako oinarrizko lanak egin eta lehen mailako profesionaltasun ziurtagiria lortzeko aukera izango dute ikasleek.
Izan ere, Lanbidek kontratazioetarako eskainitako dirulaguntzari esker, Beterri-Buruntza eskualdeak, prestakuntzan parte hartu duten ikasleentzat, hiru hilabeteko 10 kontratazio ziurtatu ditu lanaldi osoan, sektoreko enpresetan. Eta bestalde, CEBANCek konpromisoa hartu du falta diren 5 ikasleek praktikak burutu ahal izateko enpresak bilatzeko, haiek ere profesionaltasun ziurtagiria lortu dezaten.