Ekintza bereziz betetako hilabetea izango da uztaila, Hernaniko Gaztelekuan. Egitarau berezia prestatu dute, eta gaur bertan emango diote hasiera.
Horretarako, hasierako edo ongietorria emateko festa egingo dute Gaztelekuan, gaur arratsaldeko 15:30etan hasi eta 19:30ak arte.
Eta bihartik aurrera, gelditu gabe igaroko dute aurreneko aste hau. Bihar bertan, igerileku irekietara joango dira, goizetik eguerdira, 10:30etatik 14:30etara. Etzi, berriz, Gaztelekuan bertan antolatuko dituzte ekintza ezberdinak, eskulanak... Goizean izango da hori ere, 10:00etatik 14:00etara.
Ostegunean, Hernaniko igerilekuetara ez, Urnietakoetara joango dira goizean. Piszinan jolasean baino, sukaldatzen pasako dute ostiral goiza, aste konpletoa borobiltzeko. Gaztelekuan egingo dute sukaldaritza tailerra.
Makina bat ekintza, hilabete osorako
Datorren astetik aurrera ere, makina bat ekintza izango dituzte. Besteak beste, egunpasa egingo dute Zumaiara, hilaren 11n; parkour ikastaroa izango dute hilaren 13an; piraguan ere ibiliko dira, uztailaren 20an eta 27an; eta surf ikastaro bat ere emango dute, 25ean.
Guzti horietarako, hala ere, aurrez eman behar zen izena, Gaztelekuan bertan, ekainaren 16tik 21era bitarte.