Egun berezia izanen da gaurkoa, Goizuetan. Orain dela 26 urte herrian antzeztu zuten obra, Goizuetan bada... antzezlana, berreskuratu eginen dute gaur, herritar talde baten eskutik, Olatz Beobidek zuzenduta; «ikuspuntu berritzaile batekin eta antzerki hizkuntza garaikidea erabilita» landu dute obra, aurreratu dutenez.
Iluntzeko 20:30etan hasiko da saioa, eta antzerki ibiltaria izanen da, herriko txoko desberdinetan antzeztuko baitute.
Ondoren, txekor jatea herriko plazan
Antzezlana bukatzean, gainera, txekor jatea ere eginen dute herriko plazan, plana borobiltzeko. Hasieran paratu zituzten txartelak agortu egin ziren, eta ostegunean beste 50 paratu zituzten. Txartelik geratzen bada, Amaia kafetegian daude.