Ekainaren 26an, Askekintzako bi kide mehatxatu zituztela salatu du taldeak, txosna itxi eta etxera zijoazela; eta horren harira, Hernaniko Txosna Batzordeak bere salaketa helarazi nahi izan du, prentsa ohar baten bitartez.
«Askekintzako bi militante erasotu zituzten ekainaren 26ko goizaldean, beraien kontrako irain eta mehatxuekin. Eta ez da halako erasoak jasaten dituzten aurreneko aldia». Eta garbi adierazi du, ez duela erasorik onartuko: «erabat gaitzetsi eta salatu nahi dugu erasoa. Ez dugu erasorik onartuko, ez txosna gunean, eta ezta txosna gunean lanean aritzen garen militanteon kontra».
«Jai Batzordea da, aldarrikapen bat zein bestea eztabaidatzeko gunea»
Horregatik, Txosna Batzordeak bere babesa erakutsi nahi izan die, erasoa jaso zuten bi militanteei eta Askekintza taldeari.
Eta nabarmendu du, Jai Batzordea dela, «aldarrikapen baten zein bestearen inguruan eztabaidatzeko gunea, azkeneko urte honetan, gaiari buruz egindako hausnarketak erakutsi duen bezala».