Santiotako programaren azala, prest!

Aukeratu dute astigartarrek, zein izango den aurten Santio jaietako egitarauaren azala. Joaldunak izango ditu protagonista azalak. 
Lau proposamen jarri zituz­ten aukeran, kultur etxean, eta 155 herritarrek eman zuten botoa. Horietatik, 73 lagunek bozkatu zuten, irabazlearen alde. Bigarrenak 40 boto jaso zituen; hirugarrenak 28 boto, eta azkenak 14 boto.
Bestalde, jakinarazi dute, egitarauan publizitatea jarri nahi duten enpresa, merkatari eta ostalariek, ekainaren 20a baino lehen deitu behar dutela: 688 685 486 edo 943 33 50 64.