Bihar ekingo dio uztaileko egitarau bereziari, Hernaniko Gaztelekuak. Hain justu, hasierako festa ospatuko dute, arratsaldeko 15:30etatik 19:30etara, Gaztelekuan bertan. Asteartean, berriz, igerileku irekietara joango dira, goizeko 10:30etatik 14:30etara. Asteazken goizean, eskulanak eta ekintza desberdinak egingo dituzte Gaztelekuan. Ostegunean Urnietako igerilekuetara joango dira. Eta ostiralean, aurreneko astea borobiltzeko, sukaldaritza tailerra egingo dute.