Pagazpe eta Tolosa gaur, txapela preziatua irabazteko lehian

Euskal Herriko txapelketa garrantzitsuenetakoa izaten da Berria Txapelketa, eta iritsi da azken txanpara. Gaur, arratsaldeko 17:00etan hasita, au­rrez aurre ariko dira txa­pela lortzeko lehian, Usur­bilgo Pagazpe eta Tolosako klubak.
Guztira, lurralde guztie­ta­ko 21 pelota elkartek hartu du­te parte hamar astez luzatu den txapelketa honetan. Her­na­nik ere lan bikaina egin du aur­ten, baina final laur­de­netan geratu zen kanpoan, Ilunperi ezin irabazita.

Azkenera arte, lehia bizia
Gaurko finalari dagokionez, Pagazpek Galarraga eta Irure­ta­goienarekin jokatuko du ka­de­teetan; Exposito eta Aran­gu­renekin gazteetan; eta San­txo eta Gorrotxategirekin, na­gusietan.
Tolosak, berriz, Goikoetxea eta Etxeberria izango ditu ka­de­teetan; Zalakain eta Auz­men­di gazteetan; eta E.La­ba­ka eta Telletxea, nagusietan.
Ez dago ezer garbi, baina badirudi Pagazpe dela fa­bo­ri­to, hasiera batean. Kadete­e­tan, partidu orekatua espero da, eta Tolosak aukera gehia­go izan dezake irabazteko, pre­sioari aurre egiten ba­da­kitela erakutsi baitute orain arte. Hala ere, usurbildarrek ez dute ezuste bat emateko gaitasunik falta.
Gazteen mailako partidu­an, berriz, Pagazpek dauka mai­la honetako bikote one­ne­ta­koa, eta Tolosakoek gogor lehia­tzeko gaitasuna badute ere, badirudi Pagazpek dau­ka­la irabazteko aukera gehiago.
Beraz, badirudi nagusien artean erabakiko dela txapela nork irabazi. Lau pelotariak es­perientzia haundikoak di­ra, eta partidu gogorra espero da.

Ioritz Arrieta, Euskal Herriko onenen artean
Hernaniarrei dagokienez, fes­tetan gozatzeko aukera izango dute, lanak ondo eginda. Le­hen­go asteburuan Zuma­rra­gan jokatu zen Euskal Herriko elite mai­lako pelotari onenen ar­te­ko txapelketa, eta bertan izan zen Ioritz Arrieta. Final erdiak 22-15 irabazi zituen Arrati­be­le­kin, Santxo-Zezea­ga­ren kontra. Finalean ordea, ezin izan zuen irabazi, Es­pi­nal-Sarasaren kon­­­­tra; 22-18 galdu zuen.