Datorren ostiralean izango dute Astigarragan, odola emateko zita; San Joan bezperan, hain justu. Horregatik, esfortzu txiki bat eskatu diete odol emaileei: «gero badago jairako denbora, eta bizitza eman ondoren, jaia haundiagoa izango da. Odola ematea, modu bakarra da oraingoz, pertsona askoren bizitza salbatzeko edo osasuna berreskuratzeko. Behar hori edozein egunetan agertu daiteke gure bizitzan, senide, lagun edo inguruko batek, edota guk geuk izan dezakegu beharra».
Ohi bezala, anbulategian izango dute zita, arratsaldeko 18:30etatik 20:30etara.
Eskerrak, odol emaile astigartar guztiei
Odol Emaileen Elkarteak, bestalde, eskerrak eman nahi izan dizkie emaile astigartar guztiei, beraien «emate eskuzabalarengatik», eta jarraitzera animatu ditu.