Auzo bazkaria

Martindegin, salgai

Elkartean lortu daitezke aurretik 35 euroren truke.

Urtero bezala, mahaiaren bueltan ere elkartuko dira auzotarrak, San Fermin jaien aitzakian. Larunba­te­an izango da hori, eta auzo bazkaria egingo dute, egu­er­­diko 14:30etatik aurrera.
Bertan bazkaldu nahi du­ten auzotarrek, hala ere, aurrez erosi beharko dituz­te txartelak. Martindegi Elkartean dauzkate, 35 euroan. Menu berezia presta­tu­ko dute, berezia baita zita bera ere! 

15garren abere dema

Larunbatean, zaldi dema

Ortzaikako Etxeberria anai-arreben zaldia Zerainenaren aurka lehiatuko da

Abere dema bereziak  15garren urtea beteko du jada, Martindegiko festetan. Gauez egiten dute, eta espektakulu ikusgarria izaten da.  Larun­batean egingo da, gaueko 23:00­etan, eta elkarren kontra ariko dira Her­naniko Zerain­en eta Ortzai­kako Imanol eta Idoia Etxe­be­rriaren zaldiak. 

Platano dantza lehiaketa

Dantza xelebrea, aurten ere

Larunbata gauean izango da dantzaldiaren ondoren.

Platano dantza lehiaketa izan­­go da aurten ere, Martin­de­giko festetan. Txapelketa xe­le­brea izaten da, umorez be­tea. «Oso polita izaten da, eta parte hartzaile asko biltzen dira», diote antolatzaileek. Guz­­­ti­ra, 30-40 bikote aritzen dira, adin guz­­tietakoak. Pa­rran­dan dagoen jendea da, goizeko 04:30 al­de­ra izaten baita.
Laiotz taldearen saioa bu­ka­tzean, hasiko da platano dantza lehiaketa. Lehendabizi, bi­ko­teak osatzen dira, mota guz­tietakoak: mutila eta nes­ka, mu­tila mutilarekin edota nes­ka neskarekin. Bikote ba­koi­tza­ri petoak ematen zaizkio, dor­tsa­larekin. Ondoren, zirkuitu bat markatzen dute, proba gu­nea izango dena. Ez dago zirkuitutik ateratzerik.

Musika, gelditu gabe
Dena prest dagoenean, platanoak zuritu, eta bikote bakoi­tza­ri bana ematen zaio. Aho­arekin eutsi behar dute, ba­koitzak punta batetik. Or­duan hasten da musika. Bi mu­sikari, jo eta jo aritzen di­ra, gelditu gabe, eta estilo batetik bestera saltoka: fandangoarekin hasi, orain balsa...

Helburua, platanoari eustea, dantza egin bitartean
Une bakoitzean, musikariek jo­tzen duten erritmora egin behar dute dantza bikoteek. Eta hori guztia, platanoa ahotan eu­tsiz. Horixe baita helburua, platanoa luzaroan eustea. Irabazlea, denbora gehi­en irau­ten duen bikotea izango da. 

Ideia, Donostiako festetan
Donostiako festetan ikusi zu­ten lehenengoz platano dan­tza, eta Martindegin egitea erabaki zuten. Urte asko daramatzate lehiaketa antolatzen, eta oso ondo ateratzen da urtero: «sekula dantzan ikusten ez duzuna ere, hortxe ari­tzen da platanoarekin; ligatzeko asmoz parte hartzen duenik ere bada...».

MARTINDEGIKO SAN FERMIN JAIAK 2017

OSTIRALA, uztailak 7
10:00, Diana.
10:30, Auzoko Hildakoen alde Meza. Ondoren, hamaiketakoa, Oialume tabernaren eskutik.
11:30, Haur jolasak eta 
buruhaundiak.
17:00, Denak marraztera.
17:00, XLVIII. Tiro karabina lehiaketa.
18:30, Puzgarri bereziak.
19:00, Dastaketako tortilak jasotzea, jarraian...
20:00, Sagardo dastaketa eta pintxoak, ondorengo sagardotegiekin: Zelaia, Oialume Zar, Oiarbide, Sarasola, Etxeberria, Larrarte, Gurutzeta, Petritegi, Larre Gain, Iretza, Artola, Elutxeta eta Indione.
Ondoren, Tortila goxoaren emaitza Akelenea Jatetxeak saritua.
22:30, Erromeria Gabezin taldearekin.

LARUNBATA, uztailak 8
07:00, Egunari hasiera emateko, auzoan zehar kalejira.
08:00, Lo kuluxka.
11:00, Auzoko baserrietan zehar, mobida trikitixaz 
alaiturik.
13:00, Goiko aristian, oroigarri xume bat gure artean ez daudenentzat. Tturko familiari eskertza, ematen diguten harreragatik
14:30, Auzo bazkaria. Txartelak aldez aurretik salgai, Martindegi tabernan.
16:30, Gaztelu puzgarria.
18:00, Zezen txikiak eta 
zalditxoak.
19:30, Arratsaldeko dantzaldi saioa, Laiotz taldearekin.
23:00, XV. Abere dema, Ortzaikako Etxeberria anai-arreba eta Joseig­nazio Zerainen zaldien artean.
00:00, Dantzaldia, Laiotzekin.
Goizaldean, Platano dantza lehiaketa xelebrea.

IGANDEA, uztailak 10
11:00, Bermuta.
12:00, Euskal Festa. Aizkolariak: Xabier Orbegozo ‘Arria V’ batetik, eta Jokin Alkizalete eta Unai Otaegi bikotea bestetik, lehian. Harri­jasotzailea: Aimar Irigoien txapeldun haundia.
13:00, Bertsolarien saio 
berezia: Andoni Egaña eta Amets Arzallus.
18:00, XX. Trikitilari Gaztetxoen Txapelketa.
18:00-19:00, Toka txapelketa nagusia (Gurutzeta sukaldeak antolatuta).
Jarraian, Bertsolarien bigarren saioa: Andoni Egaña, Amets Arzallus eta Maialen Lujanbio.
20:00, Dantzaldia, Bide Batez taldearekin.
Ondoren, Kalejira auzoan ba­rre­na, festei bukaera emateko.