Astigarragako Udalak herri­aren 30garren urteurrena os­patu zuen pasa den astean Osoko Bilkura berezi batean. Bertan bildu ziren herritarrak, udaleko langileak, gaur egun­go zinegotzi ia denak eta 30 urte hauetan karguren bat, alkate edo zinegotzi izan ziren asko ere bai. 
Zorione Etxezarraga alka­teak hartu zuen hitza lehen­dabizi eta ongi etorria eman zien bildutako guztiei. «Duela 30 urte ospatu zen gobernu eraketa hura gogoratu nahi dugu. 44 urtez hiriburuaren auzo izatera behartua izan zen Astigarragak bere gobernua aukeratu ahal izan zuen. Herria egituratzeko eta osatzeko ezinbesteko tresna izango zena».
Nondik gentozen gogoratu zuen eta garai hartan egoera eko­nomikoa, soziala eta poli­tikoa benetan zaila zela azpimarratu zuen. «Dikta­du­ra­ren eta demokraziaren arteko trantsizioa hasi berri. Ez genekien elkarrekin, desberdi­non artean, nola bizi. Estatuan lehen hauteskunde demo­kratikoak 77an izan arren 40 urteko diktadurak elkarbizitza zartatu zigun».

«Herrigintzan konpromezua hartzeko pausoak eman ziren»
Ez zen erraza herrigintzan konpromezua hartzeko pausua ematea Zorione Etxezarraga alkatearen esanetan. «Inoren­tzako: hilketak, atxilo­ke­tak, sekuestroak, torturak, bizkar­zain beharra, jazarpena… Giza eskubideen urraketa asko izan da azken 30 urteetan: bizi­tzaren eskubidea urratu da, iritzi propioa libreki azaltzeko eskubidea, ondasun eskubidea, duin­tasun eskubidea, askata­sun eskubidea, etiketarik gabe bizitzeko eskubidea…»
Zinegotzi guztiek eman zu­ten pauso hori Etxeza­rragaren hi­tzetan. «Alderdi po­litiko ba­tean sartu, hautes­kunde ba­tzu­tan izena eman, zinegotzi aukeratua izan eta herrian norberaren burua na­bar­men­du… hemen gaude­nok, Asti­garragako zerren­de­tan aurkez­tu eta zinegotzi izan garen guztiok eman dugu pau­so hori».

«Herriaren alde. Bakoitzak bere ideiak, bere ikuspegia, bere proiektua defendatuz»
«Hori da demokrazia: desber­dintasunetik, errespetutik he­rriaren alde lan egin; kritika egin behar izan denean kritika eginez, elkarlana beharrezkoa izan denean elkarri eskua luzatuz». Azken hau hain zu­zen ere, elkarlana, izan zen Astiga­rragako lehen korpora­zioak behar izan zuena herria egituratzeko, azpimarratu zuen gaur egungo alkateak. 
«Herri Batasunaren lehen gobernu hari, EAk eta EAJ-k la­guntza eskeini zioten, eta des­berdinatasunak alde batera utzita, herria egituratzen hasi zen» esan zuen bere hitzaldian Etxezarragak. «Erronkaz bete­riko garai latz hartan, esker­tzekoa da lehen korpo­razio hura eratu zen plenoan izan ziren interbentzioen doinua».

Egon diren zinegotzi guztiek oroigarri bana jaso zuten
Astigarragaren  alde eman duten pausoarengatik erreko­no­zimendua jaso zuten zine­gotzi diren eta izan diren guz­tiek. Errekonozimendua eta esker ona: «herrigintzan di­har­dugunok poz haundiz ibili gara eta gabiltza, baina gau askotan begirik itxi ezinik ere egon gara… gure senideak kez­katu ditugu, gure senideei gure konpromisoek ondorioak eka­rri dizkiete: senar-emazte, seme-alaba, guraso, anai-arre­ba… Beraz, zuen guztion kon­promiso eta lana esker­tzeko jaso ezazue oroigarri xume hau. Ez nuke agurra amaitu nahi azken 30 urtetan udala eta herriaren alde lanean aritu diren eta dabiltzan langile guztiak», amaitu zuen bere hitzaldia alkateak.

«Gorputza eta arima jarri genuen eta denekin egin genuen herria»
Ondoren Antxon Arka, herri izaera berriz ere hartu zueneko lehen alkateak eta Bixente Arrizabalaga alkate ohiak har­tu zuten hitza.
Arkak ere desber­di­nen arteko elkarlana azpi­ma­rratu zuen herria erai­ki­tzeko ga­raian. «Ilusioa haun­dia zen, gogoa ere bai. Koa­drilakoak ginen ia denak, nahiz eta alderdi desber­dinetakoak izan. Herri Batasunak 5 zine­gotzi geni­tuen 11tik eta PNVren ba­be­sarekin atera genuen au­rrera legeal­dia. Gorputza eta arima jarri genuen eta denekin egin genuen herria» 
Denak ez ziren oroitzapen onak izan Bixente Arri­za­balagak 30 urtetik 12 pasa ditu Udalean zinegotzi bezala eta beste 8 alkate gisa. “Xabier Letek abestian esaten duen bezala. Niri bizitza ozpindu egin didate. Urte horietan ez naiz zoriontsu izan. Hilketak, mehatxuak, baiketak...jasan behar izan ditugu»
Amaitzeko elkarrekin otor­dua elkarbanatu zuten. 

EH Bildu

Orain 30 urteko zinegotziei omenaldia zien EH Bilduk festa batekin

Astigarragako EH Bilduk ere, ospakizun desberdinak anto­latu zituen 30 urteak gogo­ratzeko. Hasteko Astiga­rraga, 30 ur­teetan zehar erakus­ke­ta ibiltaria inau­gu­ratu zu­ten Arrobitxulon, Ergobin eta Kontxa Etxeberria plazan. Eta jai haundia egin zuten Joseba Ba­ran­diaran plazan. Bertan jarri zuten erakusketa az­ke­nekoz, lege­aldi erdiko balo­ra­zioa eta presoen aldeko kontzen­tra­zioa egin zuten. Segidan, le­henengo korpora­zioko zine­go­tziei ome­­naldia  egin zieten. Amaitzeko, pintxo festa egon zen.