Euskal Udaberria Kalera ekimenaren bueltan, hainbat zita jarri dira datozen egunetarako. Ekainaren 24an, «Hernaniko presoak eta iheslariak San Joanetan ere gogoratzeko» manifestazioa egingo da, 19:30etan Plazatik abiatuta. Ekainaren 26an, berriz, «euskal presoen aldeko afaria» egingo da Plaza Berrin, 21:00etan, eta txatelak salgai daude Garinen: 15 euro helduek; 5 euro umeek; eta 12, langabetuek. Azkenik, uztailaren 20tik 27ra, Kalera martxa egingo da Gernikan hasi eta Lakuntzaraino, eta Hernanitik ere pasako da uztailaren 25ean; parte hartzeko izena eman behar da ohiko lekuetan.