Astigarragako Odol Emaileen Elkarteko Ordezkaritzak antolatuta, odola emateko urteko aurreneko zita izango da ostiralean, anbulategian. Arratsaldeko 18:30etatik 20:30etara izango da. Herritarrek bertaratzeko deia egin dute: «odola ematea, bizitza salbatzeko edo osasuna berreskuratzeko edozein pertsonarentzat modu bakarra da, oraingoz. Behar hori edozein egunetan agertu daiteke gure bizitzan: familiar batek, lagunak, ingurukoak, edota gu geuk behar hori izan dezakegu! Edozein pertsonaren bizitza salbatu dezakegu!!».