Santioetarako hilabete luze falta bada ere, herrian berezia izaten da, baita ere, San Joan bezperako gaubela.
Herriko txistulariek, aurreneko notak
Ohi bezala, txistulariak izango dira herria girotzen aurrenak. Kalez kale ibiliko baitira, San Joan Zortzikoaren doinura, herria musikaz zipriztinduz. 19:30etan egingo dute irteera, Txirriskla taldeko kideek.
Gauez, sua eta zezensuzkoa
Ondoren, gauez izango dira ekintza berezienak, Foru Plazan. Gaueko 22:30etatik aurrera San Joan suak argituko du plaza, eta horrekin batera, Astigar dantzataldeko kideek egingo dute dantza, su hori inguratuz.
Segidan izango da, leku berean, Zezensuzkoaren irteera. Aldi berean, txistulariek Txomin San Sebastian zenak Astigarragan jasotako Iriarena joko dute.