Kirola izango da protagonista, beste behin, asteburu honetan. Izan ere, urtero bezala, Kirol Egunarekin emango dio bukaera Astigarragako kiroldegiak aurtengo ikasturteari. Jardunaldiak bitan egingo dituzte: ostiral arratsaldean, eta larunbat goizean.
Bereziki gaztetxoena
Etziko eguna, gaztetxoentzako saioena izango da, batez ere: 16:45etan Zumba Kids erakustaldia egingo dute; 17:00etan, Jump Fit kids; 17:15etan, soin erritmikoko erakustaldia; eta 17:30etan, Jump Fit saio irekia, 5 urtetik gorakoentzat.
Helduentzat bi saio izango dira: 18:00etan, hipopresiboak; eta 19:00etan, Bosu Extreme.
Larunbatean, bazkaria ere bai
Larunbatean, aldiz, goizez izango dira saioak, gehienak, helduentzat. Batetik, Ziklo Indoor maratoia izango da 10:00etatik hasita goiz osoan zehar, orduro saio batekin.
Eta bestetik, hiru saio desberdin izango dira: 10:00etan, Grouppole Circuit; 11:00etan, Jump Fit; eta 12:00etan, irristaketa familientzat.
Bukatzeko, bazkaria egingo dute. Helduen saioetan eta bazkarian izena emateko, gaur arte: kiroldegia@astigarraga.eus.