Opor egunak gerturatzen ari dira, baita festa garaiak ere, baina horrek ez du Astigarragako Udaleko mugimendua ez eten. Horrela, gaur egingo dute ekaineko ohiko Plenoa, aurreikusitakoa baino astebete lehenago. Eguerdiko 13:30etan bilduko dira udal ordezkariak, pleno aretoan.
Denera, 12 puntu
EAJ, EH Bildu eta PSE-EEko hautetsiek hamabi puntu izango dituzte mahai gainean. Tartean EH Bilduk aurkeztutako mozioa, LGTBI+ kolektiboaren eskubideen aldekoa; onartzen bada, hilaren 28an herritarrek eta eragileek, Pelotalekuko bi eskailera koskak kolektiboaren koloreekin pintatuko dituzte.
Bestalde, gaur bozkatuko dute, baita ere, Garbitaniak jarritako auzi-errekurtsora bertaratzea, eta Udalaren interesak defendatuko dituen abokatua eta prokuradorea zein izango diren hautatzea.
Harituzek aurkeztutako bigarren mozio bat ere aztertuko dute: Estatuko aurrekontuen inguruko ekainaren 19ko manifestua, hain zuzen.