30 urte bete dira aurten, Astigarraga herri bihurtu zenetik, eta beraz, Donostiako auzo izateari utzi zionetik. 1987an izan zen hori, eta orduan Astigarragako Udalak izandako aurreneko korporazioko kideak omenduko ditu hurrengo ostiralean, hilaren 30ean egingo duten Pleno berezian. 13:30etatik aurrera izango da ekitaldia, pleno aretoan.
«Hauxe da aukerarik egokiena fundazioaren alde lan egiten duten eragile guztiak elkartzeko»
Ordezkari ohiak eta langileak, gonbidatuta
1987an eratutako aurreneko Udal korporazioaz aparte, azkeneko 30 urteotan Udalaren parte izan diren ordezkari eta langileak ere gonbidatu dituzte ekitaldi honetan parte hartzera.
Ospakizun honen garrantzia nabarmendu nahi izan du EAJren Udal gobernuak prentsa-ohar bidez: «hauxe da aukerarik egokiena Astigarragaren fundazioaren alde lan egiten duten eragile guztiak elkartzeko, beraiei esker gaur egun gure herriak berezko administrazio eta nortasuna baitu».