«Gure asmoa da Hernaniko sarea indartzea»

Noiz hasi zen birsortze prozesua?
2010ean ‘Zutik Euskal Herria’-rekin ezker abertzalearen kide­goak estra­te­gia berria definitu zuen. Ondoren, 2011n Sortu alderdi berria eratu zen defi­ni­turiko estrategia berria ga­ratu ahal izateko. Azken ur­tean, 2016-2017ko kurtso po­litikoan zehar, alegia, ABIAN eztabaida gau­zatu dugu 9.000 kide in­gu­ru­ren parte-hartze zabal eta eman­ko­rrarekin; Hernanin 200 la­gu­nek hartu dute parte. Prozesu honen ondorio na­gu­sie­tako bat da Sorturen bir­fun­dazioaren beharra.

Zergatik orain?
Azken bost urteetako (2011-2016) Sorturen balantzeak ar­giak eta itzalak utzi ditu. Zutik Euskal He­rria olatuaren gai­ne­an abi­atu eta aurrera ia berez egingo genuela uste genuen, baina ez da horrela izan. Batetik, ha­sie­ran, ga­tazkaren on­do­rioei ir­ten­­bi­dea ematea lehentasun gi­sa hartuta,  Esta­tuak ga­taz­ka­ren ondorioei noiz helduko zien zain gelditu ginen. Batez ere, pre­soen ingu­ru­an aurrerapau­suak noiz emango zituen zain. Baina Es­pai­niako eta Fran­tzia­ko es­ta­tuek gatazkaren on­do­rio­en kon­ponbidea blokeatu egin dute, presoen alde lan egi­ten zuten erakundeak ja­za­rrita eta gaia modu min­ga­rrian era­bilita. Bestetik, eta aldi be­re­an, sistema kapi­ta­listak sor­tu duen krisiaren au­rrean, es­kubide sozialak deu­sez­ten ari dira; errezeta ezin da izan ‘aberatsak gero eta aberatsago eta gai­non­tzekoak gero eta po­breago’. Gure be­gien aurrean estatu kolpe baten antzeko zerbait ematen ari dira lorpen sozialak eza­batzeko, eta horri aurre egin behar zaio. Eta bukatzeko, au­rre­koari lotuta, globaliza­zio­a ren aro honek al­daketa kul­tu­ra­lak ekarri ditu, jarduteko modu be­rriak, eta horretara egokitu beharrean gaude. Ba­lan­tze hau abia­pun­tu izanik, ABIAN pro­ze­suan on­do­rioz­ta­tzen da Sortu bir­fun­datu behar dela garai be­rrie­tara egok­itu­ta­ko bitarteko eraginkorra izan dadin.

Zer ekarpen egingo dio Hernaniri?
Esatea egitea baino errazagoa den arren, gure asmoa pultso politikoa berreskuratu, herri­ta­rrengana gerturatu eta Her­naniko sarea indartzea dira.

Zein erreakzio espero duzue herritarrengandik?
Momentuz dugun pertzepzioa oso positiboa da. Jende as­ko­re­kin hitz egin dugu eta ge­hie­nok ikusi dugu garai berrie­tara eta behar berrietara ego­ki­tutako tresna eraginkorra be­har du­gu­la. Hala ere, Ezker Aber­tza­lea­ren hel­buruak ez dira al­da­tu: Independentzia eta Sozia­lis­moa. Historikoki Ez­ker Aber­tza­lekoa izan den jen­deari erre­ferentzia bat eman nahi dio­gu, zenbait une­tan erre­pre­sio­aren eta ilega­lizazioen era­gi­nez barreiatuta egon garen arren, gaur egun, berriz hemen gaudela esan nahi diogu.

Nola joan da prozesua?
Hernanin bost batzar egin di­tu­gu Sorturen kongresura ar­te. Mahai gainean izan dira hain­bat gai: euskara be­rres­kuratzea, eskubide sozialen al­deko bo­rro­ka, antolaketa ere­dua, herri­gin­tza, deso­be­dien­tzia zibila... Jendeak ba­zu­en eztabaidatzeko eta ekar­pe­nak egiteko gogoa eta izan du­gun emaitzarekin pozik ego­teko moduan gaudela uste du­gu. Benetako erronka he­mend­ik aurrerakoa da, era­baki horiek guztiak aurrera era­maten asmatzea.

Zer aldatu da Sortun?
Aldaketa sa­konak planteatzen dira mu­gi­menduaren eragin­kor­­ta­su­na bilatze aldera. Es­truk­tura ere­duaz harantzago ere oi­narrizko aldaketak egiten ari gara: alder­di-mugimendu iza­e­­raren be­rres­kuratzea, mili­tantzia ere­dua­ren egoki­tza­pena, herritar sarea erein eta berres­ku­ra­tzea… Guz­tia­ren be­rri zehatzago Zohardia po­nen­tzian irakur daiteke.

Zein dira Hernanirako helburuak?
Batetik, inde­pen­­dentziarako pro­­zesua az­kar­tzea, demo­kra­zia eko­no­miko eta poli­ti­ko­rako urratsak emateko bidea, in­dependentziarantz abiatzea de­lako. Iruditzen zaigu Kata­lu­niak irekitako bidea ezin du­gu­la pa­satzen utzi, une his­to­ri­ko ho­ne­tan afera gurea izango ez balitz be­zala jardun. Bestetik, hel­bu­rua da Her­na­niko 23 pre­so po­li­ti­koak le­hen­bailehen ka­­le­ra ekartzea, beren ekar­pen mi­li­tan­­tearen beharra du­gu­­la­ko. Gai­nera ETAren arma­ga­­be­tze­aren on­do­ren presoak kar­tzelan man­tentzeak men­deku gose direnen ase ezi­nta­su­na gizendu bes­terik ez du egiten. Hiru­ga­rren helbu­rua he­rri­gin­tzari da­go­kiona da, he­rritarren sa­re za­bal bat osa­tu nahi dugu, he­rri­ta­rrak ahal­dundu nahi di­tugu. Eus­­kal Herrian espe­rien­tzia lu­zea egin da herri an­to­la­kun­tza­ren bi­detik, eta horri segida eman nahiko genioke. Her­na­nin, el­kar­te eta erakunde asko di­ra be­hetik gora prozesu eral­da­tzaile bat martxan jartzen ari dire­nak, eta esperientzia ho­rri guz­ti­ari jarraipena eman behar zaio.

Nola ikusten duzue Hernani, hemendik bi urtera?
Kontseiluaren iritzia jakitea baino, Hernanik bere burua non eta nola ikusten duen jaki­tea da garrantzitsuagoa. Hau horrela, udara partean haus­nar­keta ari­ke­ta bat egingo du­gu, ahalik eta herritar ge­hie­nen parte-hartzea bilatuz, ariketa aberatsa eta integrala izan dadin.