Gipuzkoako Lau t’erdiko Txapelketarekin daukate zita, asteburu honetan, pelotari astigartarrek. Atzo arratsaldean jokatu zuen Harri Loidik, nagusietan, Andoainen, bertako Eskuderoren kontra.
Eta gaur, beste bi astigartarrek daukate partidua. Aurrena, goizean, Markel Zapiain kadetea ariko da, 11:00etan hasita Lizartzako Aztinondo frontoian, Goikoetxea tolosarraren kontra.
Eta ondoren, arratsaldeko 15:45etan, Errenteriako Agustina Otaola frontoian, Josu Altunak jokatuko du, nagusien kategorian, Eple taldeko Zangituren kontra.