Datorren ostirala da ekainaren 23a, San Joan egunaren bezpera. Eta ohitura den bezala, San Joan sua egingo dute Astigarragan ere.
Arratsaldeko 19:30etan, kalez kale ibiliko dira Txirriskla taldeko txistulariak, San Joan Zortzikoaren doinuekin. Eta 22:30etan piztuko dute sua, Foru plazan. Suaren inguruan dantzatuko dute San Joan Zortzikoa, Astigar taldeko dantzariek. Eta ondoren, 23:00etan, zezen suzkoa aterako da, txistulariek Iriarena jotzen duten bitartean; Txomin San Sebastian zenak Astigarragan jasotakoa, hain justu.