Orain Hernani alderdiak prentsa oharra zabaldu du alkate eta gobernu taldeari zuzendua. «Laister bi urte egingo ditu Hernaniko alkateak bere legealdi hasieran emandako diskurtsotik, talde politiko guztiak herriaren batasunarengatik elkar lan egitea eta puntu amankomunak bilatzera animatzen zituena».
Zoritxarrez, asmo oneko deklarazioak izan zirela soilik salatzen du Orain Hernanik. «Gaur egun oposizioko zinegotzi guztiek trabak izaten ditugu, gure lana aurrera eramateko, legeak esaten duen bezela gobernu organoak kontrolatzea eta ikuskatzea direnak».
Hala ere, oposizio taldeko betebeharrak hauek ere izan behar dute Orain Hernaniren ustetan:
- «Alkateari gogoraratzea guztiontzako gobernatu behar duela, eta ez bere partidua bozkatu zutenentzat bakarrik».
- «Erabateko gehiengoa duen partiduari (zinegotzi batengatik bakarrik) gogoraratzea politika egiteko beste modu bat badagoela: gorroto eta gaitzespenik gabe, ilusioz eta zentzuarekin».
- «Gobernu taldea edo oposizioko taldeak bermatzea herriarentzat neurri onuragarriak aurkeztean».
Orain Hernaniren esanetan oposizioak (botoen %54,37) ezin ditu zeregin hauek bete Hernanin «zalantzazko legezko erabakiak hartzen diren bitartean, legitimotasun ezaz».
Orain Hernanitik «gure alkate jauna gonbidatzen dugu autoritario diren erabaki hauetan pentsatzea, eta gobernu taldeari, oposizioko beste kideak errespetuz tratatzea».