Alkoholzale Anonimoak (AA siglak), jendeari alkoholismotik ateratzen laguntzeko nazioarteko mugimenduak, 82 urte bete ditu egun hauetan. Alcoholics Anonymus Ameriketako Estatu Batuetako Akron (Ohio) hirian sortu zen eta milioika lagunek lortu dute gaixotasuna geldiaraztea ezartzen dituzten programen bitartez.
Milaka eta milaka talde daude eta Euskal Herrian 50 eta 60garren hamarkadetan hasi ziren lanean; Hernanin 1968ko urriaren 15ean ‘Grupo Santa Bárbara de Alcoholicos Anónimos’ izenpean. Gaur egun 35 talde daude Gipuzkoan.
«Alkoholismoa gaixotasun bat da; sendaezina, baina gelditu daitekeena. Horretarako edaten uzteko benetako nahia eta disposizioa izan behar dira. Alkoholzalearen helburua edana ez egoten mantentzea da eta gaixotasun berbera pairatzen dutenei laguntzea».
Hernanin, bilerak astelehen eta ostiraletan egiten dituzte
Hernanin ere lanean jarraitzen dute eta bilera itxiak astelehen eta ostiraletan egiten dituzte, astero, 19:30etan. Ostegunetan informatzen da, 19:00etatik aurrera, errekuperazio programa ezagutu nahi duenari. Sandiusterri behean, (Zaharren Egoitzaren eraikinean) biltzen dira eta telefono zenbakia 943 33 11 03 da ext.566. Emaila a.a.g.santabarbara@gmail.com eta 24 ordutan 629 14 16 74 telefono zenbakian deiak jasotzen dira. Familia eta lagunak ere leku berean biltzen dira asteazkenetan, 18:00etatik aurrera.