«Zehaztuta dago Kultur Etxe berriaren aurreproiektua»

Zehaztu dute dagoeneko, Kul­tur Etxe berriaren aurre­pro­iek­tua. Hala jakinarazi du udal gobernu taldeak, prentsa ohar baten bitartez: «udal gober­nu­ak, udal teknikariek eta pro­mo­torako arkitektoek izan duten bilera eta lanketa prozesu luzearen ondorioz, zehaztu da aurreproiektua».
Eta azaldu dutenez, «aurre­i­ku­sitakoa baino haundiagoa eta osoagoa» izango da erai­ki­na: «2010ean EAk eta EAJk osa­turiko udal gobernuak adostu­tako hasierako hitzarmenak, 3.500 metro karratuko erai­ki­na aurreikusten zuen. EH Bilduk, ordea, 2.700era murriztutako proiektua zeukan mahai gai­nean. Baina azkenik, eraikina osoagoa izango da, eta behar gehiagori erantzun ahal izan­go die. 4.325 metro karratu izan­go ditu, eta baita 565 me­tro ka­rratuko kanpoko gune estalia ere», jakinarazi dute.

3.500 metro karratu izango ditu Kultur Etxe berriak, eta 565 metro karratuko kanpoko gune estalia.

Azaldu dute, baita ere, ja­sota daudela udal gobernuak «espreski» eskatutako hobe­kuntzak: «udal arkitektoak gomendatutako 1.395 metro karratuko erdisotoa aurreikusi da, udal artxiborako, erakus­ketak antolatzeko, ordena­gai­luen eta ikasteko geletarako, tailerrak egiteko, kultur elkar­teei bulegoak emateko eta bil­tegia jartzeko. Eta aurrepro­iek­tuan jaso da, baita ere, kanpoko espazioa estaltzea, kultur teknikariak gomenda­tuta, kanpoko ekintzak anto­latzean, eguraldiaren gorabe­herek ez baldintzatzeko. 445 metro karratuko antzeztokia estaliko du aterpeak».

Barruko antolaketa
Eraikinaren barruko aldea ere nola antolatuko den azaldu du udal gobernuak. Beheko solai­ruan egongo dira, proiekzio gela izango duen auditorioa (615 metro karratu), aldagelak, liburutegia (445 metro karratu), erabi­le­ra anitzeko gunea eta admi­nistrazio saila. Lehe­nen­go so­lairuan, auditorioaren goiko espazioa, bulegoa, terra­za, ge­lak, ekintza desber­dine­ta­ra­ko tailerrak, eta Norberto Alman­doz Musika Eskola, audito­rio­arekin lotura zuzena izango duena; guztira, 17 gela eta 630 metro karratu izango ditu mu­sika eskolak: «hel­bu­rua da kalitatezko musika ira­kas­kun­tza bermatzea», azaldu dute. Entsaio gelak, Aiztondo abes­ba­tzak eta Txirriskla txistulari taldeak ere erabiliko dituzte.
Zentzu horretan, nabar­mendu du, EH Bilduk musika eskola bertan kokatzea aurre­ikusten ez zuen arren, udal go­bernuari «funtsezkoa» iru­di­­tu zaiola, ikusita «egungo es­ko­laren egoera prekarioa, eta gure herriari egiten dion ekarpena, behar dituela bere beharrak bermatuko dituzten instalazioak». Eta kritikatu du, EH Bilduk ez zuela «Kultur Etxe­aren proiektua udal tekni­ka­ri­ekin landu», eta horregatik ez zituela jaso hobekuntza horiek.
5,2 milioi eurokoa da Kul­tur Etxe berriaren kostua, erdiso­to­aren lanak kontuan hartu gabe; baina doan izango da Uda­larentzat, «promo­toreare­kin sinatutako hitzarmenari esker. Gainera,  Babes Ofizia­le­­ko 180 etxebizitza eraikitzea ahal­bidetuko du hitzarmenak».