«denda asko ikusi ditugu plastiko beltzekin eta alarmistago edo alarma gutxiagoko mezu desberdinekin, Hernaniko Kaxkoan batez ere». Komertzio txikiaren egoera zailarekiko sentsibilizazio kanpaina bat da, herritarrak herrian kontsumitzearen alde. «Horrarte denak ados eta kanpaina guztiz arrakastatsua izan dela espero dugu» adierazi dute Kaxkoobetu elkarteko kideak argitaratu duten prentsa oharrean.
«Nola iritsi gara egoera honetara?» galdetzen du Kaxkoobetuk.
«Arrazoi nagusiak bi dira. Alde batetik azalera haundiko komertzioen indarrak saltoki txikien biziraupena zalantzan jartzen dute. Bestetik, herritarren zahartzea eta kalean umeen falta dira. Horrekin, helduagoen beharrak txikiagoak dira eta komertzioek nabaritzen dute».
Beraz saltoki eta bizilagunek talde lana egin behar dutela, bizilagunek bertako komertzioetan erosteko eta hauek bizirauteko elkarri lagunduz diote Kaxkoobetuzetik. «Normala litzateke gaztotxeoek kalean zalaparta ateratzen egotea eta ez ditugu, horren ordez asteburu gauetako ganberroak ditugu, pixa eta botaka eginez komertzioen erakuslehioetan».
Bizilagun hauen ustez, «jarrera honek Berriak elkartearen babesa eduki du. Alde batetik esku gogorra esaten zuen bitartean, araudia betetzen ez zuten taberna batzuei babesa ematen baitie».
«Arrai txikiak bere isatsa jaten duen kontua»
Ondorioak begi bistakoak dira Kaxkoobetuk dioenez. «Gazteek ez dute txirotu eta ahuldutako leku hauetan bizi nahi. Azkenean arrai txikiak bere isatsa jaten duen kontua».
Kaxkoobetuzen iritziz saltokiek, bizilagunekin taldea osatu nahi dutenek, Berriakeko bazkide direnak, elkartearen barnetik lan egin dezakete arauak betetzen ez dituztenak bete dezaten eskatuz .
«Denda eta bizilagunen bizia hobetuko duen hain beharrezkoa den talde hau benetan osatuko al dugu?».
«Bizilagunak prest gaude elkarlanera baldintzarik gabe.
Saltokiek erantzungo dute? Taldeko beste partaideak defendatuko dituzte?».