Aurten ere Udalak herriarekin lotura duten hainbat erreportaje, idazlan, elkarrizketa... bilduta, osatu du Hernani 2017 urtekaria. Dagoeneko prest dago, eta ostegunean aurkeztuko diote herritarrei. Arratsaldeko 19:00etan izango da hori, Udaletxeko areto nagusian.
Denera, hamabost lan
Ohitura eta erritoak, kultura eta jai arloko taldeen urteurrenak, historia eta oroimena, bitxikeriak... denetarik aurkituko du irakurleak aurtengo urtekarian. Guztira, hamabost lanek osatzen dute, borondatezko lanean oinarrituta, denak.
Eta lan hori, hain zuzen, balorean jarri nahi izan du Udalak: «eskerrak eman nahi dizkiegu egileei, haien lanik eta ekarpenik gabe ezinezkoa izango baitzen argitalpen hau».