«Euskera ikasteko erraztasun asko eskaini dizkigu Ereñotzuk, eta eskertzekoa da»

Auzoan euskera ikasten ari diren zortzi ereñotzuarrak, Txus, Marian, Josu, Mari, Arkaitz, Muni, Maite eta Riki, izan ziren suziria bota zutenak atzo, San Antonio jaiei hasiera emanez. 
Klaseak maiatzeko azken ostegunean amaitu zi­tuz­ten, eta orain festez goza­tzeko me­rezitako denbora irabazi dute, du­darik gabe. Prota­gonistek ez dute ahaztu nahi Maddi ira­kaslea: «eskerrak eman nahi dizkiogu berari». Amaia Mi­nerrek bul­­tzatu zuen ideia, posible ote zen az­tertu zen, eta aurrera era­man zuten.  
Zortzi ikasleak, maila des-berdinean, ostegunero egon dira 16:30etatik 18:00etara euskera ikasten. Ereñotzu da au­zorik euskaldunena, eta auzoko egu­nerokotasuna euskeraz egiten da; hori da beraz, berta­kotzeko biderik onena. 
Txus da, zortzietatik, Ereño­tzun bizitzen denbora gehien daramana. «Euskera ikasteko aukera izatea ideia oso ona, ausarta eta era berean arris­katua zen. Umeak ditugu, gure lanak, denbora gutxi... eta ikasketak, familia eta lana kontziliatzea ez da erraza izan, baina erraztasun haundiak izan ditugu. Dobera Euskara Elkar­teak umeen zaintzaren zerbi­tzua eskaini digu, eta klaseak AEK euskaltegiak eman dizkigu. Espe­rientzia  ederra izan da».
Maitek, esaterako, bere haurra jaio berria klaseetara eramaten du eta bertan egoten da umearen aulkiarekin. «Oso lasaia da haurra. Txintxo txintxo egoten da» dio Josuk.
Astean ordu eta erdiko klaseak zeuzkaten, eta den­bora gutxi da Txusen ustez. «Gainera, beti ezin izaten dugu klaseetara joan. Batzuetan lau egoten gara, besteetan sei, zaila da zortziak egotea. Hala ere, ikasten ari gara. Hilabete batzuk daramazki proiektuak, eta aurrera pausoak eman ditugu».
Datorren urtean euskal­te­gira joateko asmoa ere era­kutsi du Txusek. «Maila oso desberdinak ditugu. Badaude ikasleak zerotik hasi direnak». Adibidez, hori da Josu eta bere emazte errusiarraren kasua. «Siberiakoa da eta euskera  ikasi nahi du; eta horretan hasi gara aurten. Ereñotzun urtea ere ez daramakigu bizi­tzen, bederatzi hilabete». 
Auzotarrek asko lagundu diete, eta Ereñotzuko lagun guztiak euskaldunak izanda, horrek gauzak erraztu dizkie.  «Bertako euskera, erakusten denaren desberdina da, eta belarriak ohitu egin behar du», dio Txusek irrifar batekin. «Eguneroko bizitza euskeraz egiten da. Horrek euskerara hurbildu eta euskeraz hitz egitera animatu eta bultzatzen zaitu, nahiz eta hitz solteak esan soilik».
Denen seme-alabek Ereño­tzuko Txirrita Ikastolan egiten dituzte ikasketak. «Oso ongi dago, 75 ikasle inguru daude oso gustora. Auzoak bizitza asko du».
«Txupinazoa botatzeko proposamena ez genuen espero, baina baiezkoa segituan eman genuen»
Eta atzotik hasita, oraindik eta gehiago, San Antonio festak hasi baitira. Txupinazoko pro­ta­gonista izan ziren, eta uste­ka­bean ha­rra­­patu zituen zortzi prota­gonistak. «Ez ge­nuen espero. Ere­ñotzuko Jai Batzor­deak pro­posatu zigun, jakinda proiektu desberdina eta berria izan dela. Guk baiezkoa segi­tuan eman genu­en. Inork ez zuen dudarik ere egin. Aurre­ra!», nabarmendu dute.
Seietan geratu ziren tra­goxka batzuk hartzeko eta zortzietan bota zuten suziria auzo etxetik. Josuren kasuan, bizitzen ari den aurreneko  San Antonioak dira. «Aurreko egu­netan eta orduetan urduri egon gara, eta egun potentea bizi  izan dugu. Txupinazoa, ondo­ren herri afaria frontoian eta gero Xabi Solanok bere azken diska, Ereñotzu, aurkeztu du. Eta amaitzeko Esne Beltza talde sorpresa bezala eta DJZren musika».

«Datorren urtean jarraitu nahi dugu euskera ikasten»
Behin jaiak amaituta kla­serik ez dute, baina udara amai­­tuta, klaseei berriro ekin­go diete. «Printzipioz irailean hasiko ginateke. Denak oso gustora gaude eta egon gara, pasa den ikasturtean hobe­kuntza naba­ritu baitugu. Hori bai, astean ordu eta erdi bakarrik edu­kitzeak asko mugatzen gaitu». 
Lehen esperientzia izan dute euskera ikasten. «Etxean seme-alabekin euskeraz hitz egi­ten saiatzen gara», dio Txus­ek. «Hala ere, gero eta zailagoa egiten zait euskeraz etxean egitea, seme-alabek 12 eta 16 urte bitartean baitituzte. Adin horretan ezi­nez­koa egi­ten da». Hor, auzotarren laguntza beharrezkoa da. «Ani­matzen gaituzte: aupa Txus, aupa Josu... segi horrela!».

«Auzo Udalari eskerrak eman nahi dizkiogu»
Auzo Udala sortzeak, asko lagundu du Ereñotzun, Txus eta Josuren ustez. «Eskudun­tzak izateak asko erraztu du dena, arlo guztietan. Eskerrak eman nahi dizkiogu Auzo Udalari, gauzak oso ondo egiten ari delako».