Asier Ormazabal Lizeaga preso hernaniarraren bi lagunek istripua izan zuten aurreko larunbatean, Teruelgo espetxetik itzultzen ari zirela, Longares inguruan (Zaragoza), Etxerat elkarteak jakinarazi duenez.
«Bi lagunak zauriekin ospitaleratuak izan ziren, eta 24 orduz obserbazio arretan egon ondoren istripuaren inpaktu altuarengatik, etxera itzultzeko aukera izan zuten igandean. Diagnostikoak istripuaren larritasuna ageriko uzten du: 5 puntuko sutura ukalondoan, polikontusionismoak, ebakiak, zerbikalen zuzenketa eta lepokoa jartzea», azaldu dute.
Horiek dira, Elkartearen hitzetan, «derrigorrez egin behar dituzten bidaien ondorioak pairatu dituzten bi pertsona, eta, beraien bizitza eta segurtasuna jokoan jarriz, arriskuak hartu eta inposatutako baldintza batzuetan ibiltzea kondenatuak direlarik».
Mozioa aurkeztuko dute Plenoan, bertaz eztabaidatua izan eta alderdien babesa jasotzeko asmoz.
Kontzentrazio berezia, gaurkoa
Horregatik guztiagatik, Asier Ormazabal Lizeagaren adiskideen istripua salatzeko egingo dute gaurko kontzentrazioa Hernaniko preso eta iheslari politikoen senide eta lagunek, Dispertsioa Stop lelopean. Plazan izango da, 20:00etan.
Mozioa, Plenora
Era berean, alderdi guztien babesa eskatuko dute, eta horretarako, mozioa aurkeztu dute, Plenoan jorratua izan eta herriko alderdien babesa jasotzeko asmoz.