San Joanetako txapelketa antolatzen du urtero Hernaniko Waterpolo taldeak data hauetan, baita aurten ere. Baina aldaketa txiki batekin: Hernanin izan beharrean, Astigarragako igerilekuan izango da lehia, bertakoa oraindik berritze-lanetan dago eta. Arratsaldeko 16:00etatik aurrera, Euskal Herriko bost talde arituko dira aurrez aurre saria eskuratzeko lehian: Fortuna, WP Donosti, Sestao, Easo eta Hernani bera izango dira, hain zuzen.