Kiroldegian hainbat jarduera egiteko aukera izango dute gaztetxoek udaran, eta gehienetan izena emateko epea igande honetan bukatuko da, 943 33 36 76 telefonoan, kiroldegian bertan edo kiroldegia@astigarraga.eus helbide elektronikoan.
Jolas Txiki, astelehenetik aurrera
Txikienentzako, 3 eta 5 urte bitartekoentzako aukeretako bat Jolas Txiki da, eta astelehenean hasiko da aurreneko txanda, 14:30etatik 16:30etara. Begiraleek jasoko dituzte eskolan. Beste bost txanda ere izango dira, abuztura arte.
Multikirola, futbol kanpusa eta hainbat kirol jarduera
Ekainaren 26tik aurrera, berriz, hainbat kirol praktikatu ahal izango dituzte Multikirolean izena ematen duten 6 eta 12 urte bitarteko haurrek; zaintza eta jangela zerbitzua ere izango dituzte aukeran, gainera. Era berean, hainbat ikastaroren artean aukeratu ahal izango dute 3 eta 16 urte bitartekoek: igeriketa, irristaketa, jump fit, zunba, ziklo indoor... Adinaren arabera banatuko dira taldeak.
Azkenik, Mundarrok futbol kanpusa antolatu du 8 eta 12 urte bitartekoentzat, uztailean, bi txandatan.