Final erdietara pasatzeko majo borrokatu beharko du aurten Astigarragak, Herriarteko Txapelketan.
Final laurdenetan, joanekoan, Oiartzunen aurka aritu ziren ostiralean, etxean, eta azken tantora arte eutsi bazioten ere, hiru partiduetatik bi galdu zituzten etxekoek: kadeteek, 2-22; eta jubenilek, 16-22. Seniorrek, ordea, irabazi egin zuten, 22 eta 0.
Bueltako partiduak larunbat honetan jokatuko dituzte Oiartzungo Madalensoron, 18:00etan hasita, eta orokorrean lauko tanteoa izanik, bi eta batekoarekin irabazi beharra dauka Astigarragak, aurrera egtieko.
Kadeteek 2 eta 22 galdu zuten; jubenilek, 16 eta 22; eta seniorrek irabazi, 22 eta 0.
Euskal Herriko finalean, Gurutzealde
Bestalde, trinketean, Euskal Herriko finalean ariko da igande honetan Abadiñon, Oier Gurutzealde, Eneko Maiz villabonatarra lagun duela; final erdietan Arabiourrutia-Aspuru bikoteari 40 eta 26 irabazita lortu zuten finalerako pasea. Beste final erdia Lemoa eta Lekunberriko Lagunaken artekoa izan zen, eta azken honek irabazi zuen, 40-22.
Beraz, igandeko finalean Gurutzealde eta Maizek Santamaria eta Etxamendiri egin beharko diete aurre, 10:00etatik aurrera, Abadiñon.