Altzuetak lortu du txapela hamaseigarrenean, aidanez

Urteak joan eta urteak etorri garaipenaren usaiean ibiltzen denak lehenago edo beran­duago txapela eta sari nagusia eskuratzen ditu. Eta horixe ger­tatu zaio Hernaniko Altzu­eta sagardotegiari. Beti Gipuz­koako sagardorik hobe­renen borrokan ibili da azken 15 urteetan. 
Azken hamar edizioetan sei aldiz bigarren, azken lauak jarraian, eta beste hiru­tan hirugarren sailkatu zen, baina txapelak ihes egiten zion gutxigatik. Hamasei­garrenean, aidanez irabazi du txapela eta Anjel Lertxundiren eleberrian ez bezela amaiera pozgarri­are­kin oraingoan. Al­tzu­etak ez du inoiz etsi eta az­kenean lortu zuen atzo lehen saria eta txapela janztea. 
Sei finalisten artean gai­lendu zen 82 punturekin eta bi puntuko aldea besterik ez zion atera Aburuza, biga­rren sail­katuari. Ohorezko postua itxi zuen Sarasolak 70 punturekin. Altzuetako ordez­karia; Ibon Alkorta pozez gainezka zegoen garailearen izena esan eta gero.
Aurtengo lehiaketako sa­gar­dogile irabazleak 3.000 euro eta txapela eskuratu du. Bigarren sailkatuak 1.500 euro, eta hirugarrenak, berriz, 1.000 euro. 
Lehen hiruak eskala ezberdinetara egina dagoen Donostiako Bidarte baserriko Garralea edo karreto barrika ezagunaren erreplika bat eskuratu dute.
 Fraisoroko dasta-paneleko kideek erabaki zuten zein den 2017ko Gipuzkoako sagardorik onena eta Donostiako Gastro­nomiako Euskal Anaiartean eman zituzten sariak.